کراچی: کراچی میں لینڈ مافیا کے بعد واٹر مافیا کو بھی کراچی پولیس کی مکمل طور پر سرپرستی حاصل 

آج تک کراچی میں واٹر اینڈ سیوریج ایکٹ 2015کے تحت ایک بھی مقدمہ درج نہ ہوسکا 




کراچی (حافظ محمد قیصر )کراچی میں لینڈ مافیاکے بعد واٹر مافیا کو بھی مکمل طور پر کراچی پولیس کی سرپرستی حاصل ہے جسکی وجہ سے آج تک کراچی کے عوام پانی کی بوند بوند کو ترس رہے ہیں اور واٹر مافیا عام عوام کا خون چوسنے میں مصروف ہے اور متعلقہ ادارے کراچی واٹر اینڈ سیویج بورڈ کے کرپٹ افسران سمیت کراچی پولیس کی کالی بھیڑیں بھی اس مافیا کاحصہ ہیں 

عام طورپر سرکاری اراضی پر لینڈ مافیا کی جانب سے قبضے کی صورت میں کراچی پولیس جیسے شروع دن سے ہی غیرقانونی طور پر دفعہ 447اور 448کا استعمال کرکے لینڈ مافیا کو سپورٹ اور سہولت فراہم کرتی آرہی ہے اسی طرح کراچی شہر کی سب سے منظم اور مظبوط واٹر مافیا کے آگے کراچی پولیس ناکام دکھائی دیتی ہے اور دامے درمے سخنے کراچی پولیس کے چند اعلی افسران بھی واٹر مافیا کا حصہ ہیں 

اور کراچی واٹر اینڈ سیوریج بورڈ کی لائنوں کو کراچی واٹر اینڈ سیوریج بورڈ کے کرپٹ افسران کی ملی بھگت سے پانی کا لائنوں کو مختلف مقامات پر پلیٹس لگا کر بند کردیا جاتا ہے یا پھر لائنوں میں  کلپ لگا کر کراچی کے عوام کا پانی چوری کرکے عوام کو ٹینکرز کی صورت میں مہنگے داموں فروخت کیا جاتا ہے 

پانی چوری کی صورت میں کراچی واٹر اینڈ سیوریج بورڈ کے کرپٹ افسران اور متعلقہ پولیس کی ملی بھگت سے واٹر مافیا کو سہولت فراہم کرتے ہوئے ایگریکلچر ایکٹ 1898دفعہ 430کے تحت مقدمے کا اندراج کیا جاتا ہے 

سب سے پہلی بات تو یہ ہے کہ ایگریکلچر ایکٹ 1898سیکشن 430 یہ ہے کہ ملزم محکمہ انہار کی پانی کو بندکرکے اس پانی کا رخ اپنی زرعی اراضی کی طرف موڑ دے واضح رہے کہ سیکشن 430مجسٹریٹ ٹرائل ہے اور قابل ضمانت جرم ہے جرم ثابت ہونے پر اسکی 5سال سزاہے 

کراچی پولیس کی جانب سے واٹر مافیا کے خلاف عام طور پر سیکشن 430کا استعمال کیا جاتا ہے جس سے ملزم بآسانی 5سے 10ہزار روپے میں ضمانت حاصلکرلیتا ہے اور مقدمہ انوسٹی گیشن کے دوران ہی سی کلاس کردیا جاتاہے کیونکہ سیکشن 430 کراچی واٹر اینڈ سیوریج بورڈ کی جیوڈیریکشن ہی نہیں ہے 

جبکہ سندھ گورنمنٹ کی جانب ست پانی چوری کی روک تھام اور کراچی کے عوام تک پانی کی سہولت کو بآسانی فراہمی کو یقینی بنانے کے لیے کراچی واٹر اینڈ سیوریج بورڈ ایکٹ 2015لاگو کیا گیا تھا جس کے مطابق واٹر مافیاکو لگام ڈالنے کے پانی چوری کی صورت میں کم ازکم 14سال سزا اور 10لاکھ روپے سے زائد کا جرمانہ ہے اور پانی کی چوری ناقابل ضمانت جرم اور سیشن ٹرائل ہے 

لیکن بدقسمتی سے آج تک کراچی پولیس نے اسکا استعمال تک نہیں کیا جس کی وجہ سے واٹر مافیا کراچی کے غریب عوام کا دھڑلے سے خوان چوس رہاہے 

دوسری جانب انوسٹی گیشن ڈیپارٹمنٹ کی ناہلی کی وجہ سے نہ تو انوسٹی گیشن آفیسر متعلقہ ڈپٹیی کمشنر کو بذریعہ نوٹس پانی کی چوری کی بارے میں آگاہ کرتا ہے اور نہ کراچی واٹر اینڈ سیریج بورڈ کے چئیرمین کو بذریعہ نوٹس آگاہ کیا جاتا ہے کہ وہ کراچی واٹر ایند سیوریج بورڈ کے ٹیکنیشن عملے کو پابندکرے اور لائن کی مرمت کا کام کروائے 

اسی طرح انوسٹی گیشن آفیسر کمشنر کراچی کو بھی بذریعہ نوٹس پانی کی چوری کے بارے میں آگاہ نہیں کرتا ہے اگر مذکورہ طریقہ کار کے مطابق انوسٹی گیشن آفیسر متعلقہ حکام کو بھیجے گئے نوٹسز کی کاپی کو بھی مقدمے کا حصہ بنائے تو واٹر مافیا کو معزز عدالتوں سے سزائوں کا ریشو 100فی صد ہوگا اور پانی چوری کی وارداتوں پر کنٹرول بھی کیاجاسکتا ہے لیکن بدقسمتی سے ایسا نہیں ہوتا